VOV4.M’nông – Ta n’gor Kon Tum geh 2 doanh nghiệp tăm cao su ta nkuăl n’har bri Ia H’Drai dôl dăn đă mplơ̆ lơi an n’gor mât uănh rlău 1.700ha neh bah năp đaơ lĕ manh gay tăm cao su. Na nê̆ 2 doanh nghiệp dăn đă mplơ̆ lơi rlău 1.700ha neh an n’gor Kon Tum lag Công ty TNHH du ntŭk kan Cao su Chư Mom Ray n’hanh Công ty Cổ phần cao su Sa Thầy mpeh tâm Tập đoàn Cao su Việt Nam. Tâm nĕ, Công ty TNHH du ntŭk kan cao su Chư Mom Ray dăn đă mplơ̆ an n’gor 1.400ha n’hanh Công ty Cổ phần cao su Sa Thầy rlău 300ha. Tĭng kruanh 2 doanh nghiệp ri rnoh neh ma ntŭk kan dăn mplơ̆ an n’gỏ dŭt âk lah neh yôk lŭ, mper dak diăng, neh dak lŏk mô tâm di gay tăm cao su. Tổng Giám đốc Công ty TNHH du ntŭk kan cao su Chư Mom Ray an gĭt, kruanh Tập đoàn Cao su Việt Nam n’hanh kruanh n’gor Kon Tum lĕ tâm ban ŭch đah nău ntrŭnh aơ.

Nuĭh rblang: Y Sưng Phê Ja