VOV4.M’nông: N’gor Kon Tum lŏ ƀư uănh khlay, n’hao nau săk tam bah nau kan tâm boh ƀư nau kan văng sa, n’hao nau săk nâp bah nau tâm grop bah nkuăl văng sa rmôt lăp tâm nau hun hao văng sa, jut n’huch ji ngot, ach o du trong nâp nâl, n’hao nau dơi, nau kan bah nkuăl văng sa rmôt tâm trong văng sa. Aơ lah nau kan geh lah rjăp bah Rnâng kan rđau kan n’gor uỷ Kon Tum tâm nar rƀŭn lôch 20 năm ƀư nau ntrŭnh mrô 13 bah Rnâng kan rđau kan Trung ương Đảng gưl IX mpeh nau lŏ rgâl mhe.

Hun hao, n’hao nau săk tam bah văng sa tĭng rmôt ndrel 10 năm ntrŭnh ƀư Luật tâm boh kan nsum năm 2012 ƀư 23/11, tâm nkuăl ƀon têh Kon Tum. Jêh 20 năm ƀư nau ntrŭnh, tât rnôk aơ n’gor Kon Tum geh 194 rmôt tâm boh nau kan đah rlau 9.700 nŭih kan ndrel 210 rmôt ƀư kan đah bơi tât 2.200 nŭih dôl pah kan.

Nau geh du hê nŭih tâm ntŭk ƀư tâm boh nau kan geh nklăp 41 rkeh/năm. Rnâng kan n’gor uỷ Kon Tum uănh năl, lŏ rgop n’hao nau săk tam nau kan tâm boh, rmôt kan, n’hao nau văng sa nau rgop bah jâng văng sa rmôt tâm nau hun hao văng sa, jut n’huch ji ngot, ach o du trong nâp nâl, n’hao nau dơi, nau kan bah văng sa rmôt tâm jâng văng sa./.

Nŭih rblang: H’Thi