VOV4.M’nông: Ntŭk rgum mbơh nău lư n'gơ neh n'hanh mbơh njrăng lor rdôl dak lêng- Viện Vật lý Địa cầu (Viện Hàn lâm Khoa học n'hanh công nghệ Việt Nam) an  gĭt, tâm rnôk 3h 18 mnĭt ôi nar 5/05, du rơh n'gơ neh geh rnoh dăng 2.6 geh ta nkuâl Kon Plông, n'gor Kon Tum. Rnoh nău tât rmoh rman trôk nar lơh gưl 0. Tĭng nău năl bah Ntŭk rgum mbơh nău lư n'gơ neh  n'hanh mbơh njrăng lor rdôl dak lêng, tâm ăp nar rlău aơ, ta n'gor Kon Tum geh mbro ăp rơh n'gơ neh. Na nê̆, tâm nar 4/5, du rơh n'gơ neh geh rnoh têh 3.0 geh ta nkuâl Kon Plông đŏng. Hôm bah năp nê, tâm nar 02/05, ta nkuâl Kon Plông, n'gor Kon Tum đŏng hŏ geh 2 tơ̆ n'gơ neh. Nar 01/05, hŏ năl geh 2 rơh n'gơ neh ta nkuâl Kon Plông, n'gor Kon Tum. Ndrĭ, dơn kơp êng ntơm bah bôk khay 5 tât aƀaơ, Kon Tum hŏ năl geh 6 tơ̆ n'gơ neh. Ntŭk rgum mbơh gĭt nău lư n'gơ neh n'hanh mbơh njrăng lor rdôl dak lêng- Viện Vật lý Địa cầu dôl hôm tĭng groi nđôi tay ăp rơh n'gơ neh dja đŏng./.

Nuĭh rblang: Điểu Thân