VOV4.M’nông: Đah ding le\ rnoh neh rlău 40.000ha, Kontum lah n’gor geh rnoh neh tăm bum têh ngăn nkôp đah ăp n’gor tâm nkual Tây Nguyên. Ntil tơm tăm aơ lah ndơ [ư sa khlay bah âk rbăn rnăk ach o n’hanh êp ach o ta n’gor. Ndr^ yơn năm aơ yor nău tăch n’gluh bum mâp jêr jo\t jêng ăp doanh nghiệp rwa\t bum nkô| nău đah rnoh thuk [ư nu\ih tăm bu\m roh rui n’hanh mô geh nău sa Tết.

              Bol ma tâm rnôk khay rôk tơm, yơn 6 nhih máy nkret njêng rnih bum blang ta ăp nkuâl: Ngọc Hồi, Đak Tô, Đak Hà n’hanh Sa Thầy ta n’gor Kon Tum nkret njêng n’gul wah da dê.

Rnoh khlay rvăt bum blang rêh bah ăp nhih máy ntơm bah 1.200 tât rlău 1.300 rêl prăk du kg dơm, du\t thuk tâm bar năm rlơ\ aơ. Wa Huỳnh Nam Giang, Groi Giám đốc Công ty TNHH Rnih bum blang Tây Nguyên- Đak Hà an g^t: nkô| jêng tât nău doanh nghiệp nkret njêng n’gul wah n’hanh rvăt bum đah rnoh thuk lah tă bah tăch n’gluh rnoh bum blang tât Trung Quốc, ntu\k tăch tơm geh mbrơi nkai:

             “Năm aơ mpeh Thái Lan ju\r geh âk bum, ntop đah bu tuch tăm công nghệ cao, rnoh khlay [ư njêng đêt jêng bu tăch bum rêh du\t thuk jêng Việt Nam he t^ng tăch thuk dơm. A[aơ rnoh khlay rnih mbo mpeh Trung Quốc du\t thuk. Ăp nhih máy way so\k rnih bum blang bah he [ư ndơ nkret njêng so\k rnih mbo gay ma rgâl. A[aơ nhih máy he rvăt bum rêh lơn âk gay ma mât rvăt gay an kônh wa bu geh prăk sa Tết bu geh ntu\k tăch dơm hôm he a[aơ kơt lah mô hôm dơi tăch luh”.

            Đah rnoh khlay rvăt bum blang rêh bah 6 nhih máy ntơm bah 1.200 rêl tât rlău 1.300 rêl prăk du kg kơt a[aơ, nu^h tăm bum blang ta Kon Tum mô geh sa ngăn. Wa Lê Anh Cường, [on Đak B’rông, xã Chư H’reng, nkual [on têh Kon Tum an g^t, rnăk ntuh kơl tăm 5 sào bum blang, rêk geh 14 tấn bum, dơn tăch đah nu^h hăn rvăt đah rnoh khlay 900 rêl prăk du kg. N’hâp le\ prăk ntuh kơl, phân poh, mât chăm n’hanh nar luh rôk pih man ma ns^t tay prăk tơm. Bol ma mô hôm ntop tay du rêl lôch du năm pah kan o\ r’ah yơn nô Lê Anh Cường nha an lah đo\ng, rnăk he hôm geh nău lap đo\ng rđ^l đah mô đêt rnăk êng [a [a\ tâm [on:

            “I ngăn geh ăp jay mô dơi tăch yor khân păng tăm ta yôk prêh. Nar luh kan jik pih, nchuăn rdeng ju\r ri le\ roh âk rlău du n’gul hôm”.

            Mhe so\k geh mô to\ng trok prăk do\ng tă bah bum blang ju\r thuk du\t hô, [on lan tăm bum blang ta Kon Tum hôm nkre roh huach âk ntil đo\ng tă bah mô geh ndơ ma nchuăn rdeng jêng geh bu mpet rnoh khlay.

Ta ăp nkuâl ngai nhih máy, kơt Kon Plông, Tu Mơ Rông, Đak Glei, nu^h [on lan dơn tăch bum blang đah rnoh khlay ntơm bah 800 tât 1000 prăk du kg dơm, mô dơn nê geh ăp ntu\k trong hăn jêr dơn tăch geh bah 500 tât 700 prăk du kg dơm. Ta năp nô nău bum blang ju\r thuk, mô đêt [on lan mô u\ch rôk. Wa Hoàng Nghĩa Trí, Groi kruanh rnâng kan UBND nkuâl Đak Hà, ntu\k geh rlău 4000ha bum blang an g^t:

            “Roh huach prăk do\ng ntuh kơl tât rnôk rôk păng mơ rlu tay tâm ban đah prăk tơm dơm mô ho\ geh sa đê| đă jêng nu^h [on lan he du\t jêr jo\t đo\ng, lơn lah ta Đak Hà nkual tăm bum blang lơn âk lah [on lan rnoi mpôl đê|. Rnoh khlay kơt aơ a[aơ lah bu mô rôk nău rêh khân păng mbra du\t jêr jo\t yơn rôk gay tăch ri [on lan mô gơih nđơr ngăn ơm yor mô geh sa”.

            Lah tơm ndơ wa\ng sa khlay bah bar pe jât rbăn rnăk ach o n’hanh dăch kêng ach o ta n’gor Kon Tum, nău năm aơ bum blang ju\r thuk dôl [ư nău rêh bah nu^h [on lan tu\p tâm nău rêh jêr jo\t. Ndrel đah nău nu^h [on lan mô geh prăk sa Tết, n’gâng kan tâm dâng ăp nkuâl bah n’gor Kon Tum hôm ăp nău rvê êng têh lơn đo\ng, nê lah nău ăp djơh nde tâm rnôk [on lan mâp jêr jo\t nkơnh prăk an manh đah rnoh deh prăk kon âk, mô lah đor lor prăk rvăt lor ndơ tuch tăm đah rnoh thuk; hôm ăp nău tih kơt ntu\ng rmuănh, so\k lơh si mô geh nău way mbra ntoh luh đo\ng. wa Nguyễn Văn Hùng, Kruanh UBND xã Chư H’reng, nkual [on têh Kon Tum an g^t:

            “Rvê du\t âk nkô| nău, lơn lah ta aơ geh ăp [on lan rnoi mpôl đê| n’hanh kơp le\ ma nu^h yăn đo\ng, ăp thôn nsing tâm nău kan tuch tăm. Ndơ tuch tăm ju\r thuk khuch tât nău rêh bah kônh wa du\t âk. Păng mbra jêng tât âk nkô| nău tih djơh tâm nău rêh mbra geh đo\ng. xã du\t m^n rvê đo\ng”.

            Dơi năl lah tơm tăm bah nu^h ach o, tâm di đah nău g^t blău mât chăm bah nu^h [on lan lơn lah [on lan rnoi mpôl đê|, tâm ăp năm rlău aơ neh tăm bum blang ta Kon Tum mô rlu pơk hvi. A[aơ rlău ma rlău 40.000ha bum blang dôl geh, n’gor dôl nsrôih rgâl âk neh tăm ba lo\ way geh kro ntang jêng tăm ntil tơm dja đo\ng. ndr^ yơn ta năp nău an saơ hôm geh tay ăp năm bum blang tăng, jêng luh nu^h [on lan đêt nđơr [ư./.

Nu^h nchih rblang: Điểu Thân