VOV4.M’nông – Gay n’hao săk rnglăy nău ƀư njrăng n’gang srê Covid-19, UBND n’gor Kon Tum lĕ an ntrŭt đă tay, ƀư tay ntŭk kâp njrăng ăp nău kan uănh nđôi ta lam n’gor, tâm nĕ jao an UBND nkuăl, nkual ƀon têh ƀư ntŭk kâp njrăng kruanh.

Ntĭm ndeh hăn lăp ntŭk kâp ăp nău kan uănh nđôi srê Covid-19 Sao Mai-kâng n’har n’gor Gia Lai

Tĭnh nău ntrŭnh bah Kruanh UBND n’gor Kon Tum, geh 6 ntŭk kâp njrăng ăp nău kan uănh nđôi Covid-19 ta lam n’gor dơi ntrŭt đă gay n’hao săk rnglăy ƀư njrăng n’gang srê. 6 ntŭk kâp uănh nđôi dơi pă ta ăp trong hăn têh bah n’gor, kơt Quốc lộ 14-trong HCM-lvang mpông luh lăp mpeh Bắc n’hanh mpeh Nam n’gor Kon Tum; nglah 4 trong Đông Trường Sơn n’hanh Quốc lộ 24 kâng n’har n’gor Quảng Ngãi; ntung Sê San 4, ta trong quốc lộ 14C, n’hanh quốc lộ 40B ta ntŭk nthoi đah nkuăl Nam Trà My, n’gor Quảng Nam đah xă Ngọc Lây, nkuăl Tu Mơ Rông.

Nŭih rblang: Y Sưng Phê Ja