VOV4.M’nông – Jêh rlău 2 mông ƀư hăn joi, rmôt kan dơi kan nkuăl Ngọc Hồi, n’gor Kon Tum lĕ joi saơ n’hanh njŭn 6 F0 nchoăt du sĭt tay nkual săm. Nkual rmôt kan dơi kan joi saơ 6 F0 nchoăt du tâm du lôk cao su ta xă Đăk Kan, nkuăl Ngọc Hồi. Nău mbơh bôk năp dơi gĭt, jêh rnôk nchoăt du luh nkual săm F0 bah Ngih dak si Đa khoa nkual Ngọc Hồi, yor mô geh ndeh hăn jêng lĕ 6 F0 hăn jâng n’hanh tât rnôk geh rmôt kan dơi saơ mô hŏ geh mâp đah nuĭh.

6 nuĭh F0 nchoăt du dơi saơ tâm lôk mir cao su n’hanh lĕ njŭn sĭt tay nkual săm ji

Bah năp nĕ nkhlăp 12 mông nŭng nar 11/11 geh 6 nuĭh ntưp đah Covid-19 nchoăt du luh nkual săm F0 bah ngih dak si Đa khoa nkual Ngọc Hồi. 6 F0 aơ nuĭh jêt ngăn nchơm 16 năm deh, têh ngăn 19 năm deh n’hanh lah nuĭh rnoi Bahnar gŭ ndrel ta xă Ngọc Bay, nkual ƀon têh Kon Tum. Tâm nĕ nuĭh lăp ngih dak si săm ơm ngăn tâm nar 28/10 n’hanh mhe ngăn nar 6/11 mhe rlău.

Nŭih blang: Y Sưng Phê Ja