VOV4.M'nông: Kêng măng 12/11, ta nkual ƀon têh Kon Tum, Sở Y tế n'gor Kon Tum ƀư rơh mâp măt, mpư rnê n'hanh nkhôm an Bằng khen bah Kruanh UBND n'gor Kon Tum an 30 y, bác sỹ bah n'gor ƀư lôch jêh nău kan ntop kơl n'gor Bình Dương njrăng, n'gang nuh srê COVID-19.

Lah ta rơh mâp măt Bác sỹ CKII Võ Văn Thanh, Giám đốc Sở Y tế n'gor Kon Tum mpư rnê nuih n'hâm hăn kơl êng, mô kă rnam jêr jŏt, klach rvê bah 30 y, bác sỹ tâm tơm nuh srê n'gor Bình Dương ntop kơl, nsum ti ndrel băl mpôl tâm n'gâng kan njrăng n'gang  COVID-19. Giám đốc Sở Y tế n'gor Kon Tum mpơl nău ŭch rŏng, tâm rnôk nuh srê COVID-19 ta n'gor Kon Tum dôl tât krit nji, ăp y, bác sỹ mât uĕh ăp nău tơ̆ ơm gĭt kan khlay bah rơh râng njrăng n'gang nuh srê ta n'gor Bình Dương rgop ndrel n'gâng kan dak si bah n'gor ntrôl rŭch nuh srê, mât njrăng n'hanh mât chăm n'hâm suan ƀon lan./.

       Nuĭh rblang: Điểu Thân