VOV4.Mnông – Ta năp nu nău jêr jŏt bah srê Covid-19 ta nkual ƀon têh HCM, n’gor Kon Tum lĕ mbơh ƀư âk trong gay nking n’gang, uănh nđôi tu tơm ntưp nuh srê Covid-19 lăp. Bah nar 31/5, n’gor Kon Tum an rlu lĕ rngôch ăp ntil trong nchoăn rdêng năch nsum bah n’gor hăn n’hanh tât nkual ƀon têh HCM (êng ăp nuĭh khlay).

Ntĭm nuĭh ƀon lan mbơh dak si ta Ntŭk uănh nđôi srê Sao Mai ta quốc lộ 14, nkual ƀon têh Kon Tum, n’gor Kon Tum

Ăp ndeh geh trong hăn rlău nkual ƀon têh HCM ri mô dơi njưh, rlu gay wơt năch, ngêt sa rlu rlău ta n’gor. Ăp ntŭk ta Kon Tum lĕ uănh lĕ rngôch ăp nuĭh bah nkual ƀon têh HCM tât/gŭ/sĭt bah nar 18 tât 29/5. Gay njrăng nking n’gang srê Covid-19 lăp, ntoh n’hanh ntưp ta n’gor, bah n’gul măng nar 1/6, n’gor Kon Tum n’hao tay njrăng n’gang srê Covid-19 ta lam n’gor hao rnoh âk ngăn.

Nuĭh rblang: Y Sưng Phê Ja