VOV4.M'nông: Kêng măng 8/11, ta nkual ƀon têh Kon Tum, Tỉnh ủy Kon Tum ƀư n'glôch jêh n'hanh ndơ̆ an ndơ nkhôm rnê Giải báo chí mpeh rdâk njêng Đảng n'gor Kon Tum năm 2021. Lor bôk năp ƀư, lôch bơi 4 khay rgŏ jă, Ƀan tổ chức nkhôm rnê Giải báo chí mpeh rdâk njêng Đảng n'gor Kon Tum năm 2021 dơi geh 168 nău nchih bah 150 nuĭh tơm nchih, mpôl tơm nchih, tât bah 17 nkuâl, nhih pah kan, đơn vị n'hanh mpôl tahen công an tâm n'gor tât râng.

Tâm rnoh ăp nău nchih tât râng geh 82 nău nchih di nău way dơi lăp tâm rlong n'glĕ dŭt. Uănh năl bah Ƀan tổ chức, an saơ ăp nău nchih hŏ rgum nkoch nkrum lam lĕ rngôch mpeh pah kan rdâk njêng Đảng. Hội đồng chấm nkhôm rnê hŏ sơch 13 nău nchih ntoh  lư, dŭt uĕh blău hao mbơh rblang Ban tổ chức nkhôm rnê kơp dơn, ndơ̆ nkhôm Giải C an 6 nău nchih; Giải B an 4 nău nchih; Giải A dơi nkhôm an 3 nău nchih. Ăp nău nchih geh Giải báo chí mpeh rdâk njêng Đảng n'gor Kon Tum năm 2021 mbra dơi njuăl râng tâm rlong Giải báo chí lam dak mpeh rdâk njêng Đảng (Giải búa liềm vàng) tâl VI năm 2021./.

      Nuĭh rblang: Điểu Thân