VOV4.M’nông: Ƀư tĭng nau ntrŭnh Đại hội Đảng bộ n’gor Kon Tum tal XVI mpeh nau kan tăm 15 rbăn ha bri, rnôk aơ tâm ăp nkuăl, nkuăl ƀon têh bah n’gor Kon Tum ntơn nau leo ntrŭnh tăm bri tâm âk ntŭk. Gay nau kan tăm bri geh nau săk tam đah rnoh tơm rêh âk, n’gâng kan ndrel ntŭk kan tuch tăm bah nkuăl hŏ nchrăp mpeh kon ntil tăm kŏ kơt lah neh gay ma tăm bri.

Nkuăl ƀon têh Kon Tum tăm  tơm si

Râng nau tăm bri, ăp rmôt kan, ntŭk kan, êng nŭih ndrel nsum mpôl ƀon lan geh n’gâng kan ndrel ntŭk kan tuch tăm ndrel hun hao ƀon lan kơl an kon ntil, dak si puh nkhĭt tu ndrŭng ndrel du gưl prăk trong ân nŭih pah kan. Nkô̆ nau nchrăp luh bah n’gor Kon Tum tâm năm aơ lah tăm geh 3000 ha bri, yơn nau ngăn ân saơ, nau geh kơp jêh rnôk lôch leo tăm ri rnoh geh tăm ngăn mra hao âk lơn rđil đah rnoh geh jao đă./.

Nŭih rblang: H’Thi