VOV4.M’nông – Ntơm bah nar 15/7, n’gor Kon Tum ƀư nău ntop kơl prăk an Rmôt kan nsum mpôl njrăng n’gang srê Covid-19. Tĭng nĕ, UBND n’gor Kon Tum ƀư ntop kơl prăk an Rmôt kan nsum mpôl njrăng n’gang srê Covid-19 đah rnoh 80.000 prăk/du hê/du nar. Rnoh nuĭh dơi ntop kơl bah ăp rmôt mô rlău 1 hê/du nar. Gay geh prăk ƀư, UBND n’gor Kon Tum đă Trung ương ntop kơl 70%, hôm ƀa ƀă 30% yor tơm prăk n’gor an. Aƀaơ n’gor Kon Tum geh 2.832 Rmôt pah kan nsum mpôl njrăng n’gang srê Covid-19.

Nuĭh ƀon lan ƀư tĭng mbơh săk soan an nai dak si lor rnôk lăp n’gor Kon Tum

Kơt nĕ đah rnoh ntop kơl 80.000 prăk an du hê bah du rmôt, du nar dĭng lĕ prăk ma n’gor Kon Tum an trok lah rlău 220 rkeh prăk. Kon Tum lah ngoay tâm đêt n’gor bah lam dak tât aƀaơ mô hŏ geh nuĭh ntưp đah Covid-19, yơn geh ntoh srê dôl dŭt âk.

Nuĭh rblang: Y Sưng Phê Ja