VOV4.M’nông – Ta năp nu nău âk nuĭh ƀon lan nkual ƀon têh HCM mô tŏng biăp sa tâm ăp nar tâm nkhah rchăng n’gang srê Covid-19, bah ôi nđaơ (12/7), âk Câu lạc bộ, Đội, rmôt kơl kan yor nsum mpôl đah rhiăng nuĭh ta n’gor Kon Tum lĕ ƀư rgum biăp đah nău ŭch n’gluh an tât kêng măng aơ 13/7 mbra rdêng nklăp 10 tấn biăp kơl nuĭh ƀon lan nkual ƀon têh.

Kon Tum: rgop biăp kơl nuĭh ƀon lan nkual ƀon têh HCM rchăng n’gang srê Covid-19

Tâm rgop ƀư kơl biăp kơl an nuĭh ƀon lan nkual ƀon têh Hồ Chí Minh, ăp Câu lạc bộ, Đội, rmôt kơl kan yor nsum mpôl ta Kon Tum geh nău rƀŏng rgum geh nklăp 10 tấn biăp njuăl an nuĭh ƀon lan nkual ƀon têh. Bah meng ăp ntil biăp dŏng dâl, kơt cải, biăp mbĭr, biăp njŭng... hôm rpoăl, nông, tuh dơi dŏng jŏ nar. Kruanh Câu lạc bộ Tôi yêu Kon Tum an gĭt, trong ƀư rdêng n’hanh tâm pă biăp tâm rnôk srê Covid-19 lĕ dơi kơp tŏng ăp biăp tât ty nuĭh ƀon lan nkual ƀon têh ngăch ngăn n’hanh đăp mpăn ngăch.

Nŭih rblang: Y Sưng Phê Ja