VOV4.M’nông: Geh rlau 3000 kan pah ân đoàn viên, druh ndăm, nŭih pah kan bah n’gor Kon Tum tâm Nar pă mbơh kan ndrel ndâk nau kan năm 2021 geh Sở Lao động-Thương binh ndrel Xã hội tâm rgop ma Đoàn n’gor Kon Tum ƀư lơ 27/4, ta nkuăl ƀon têh Kon Tum. Râng nar pah kan ndrel ndâk nau kan năm 2021, ma rhiăng đoàn viên, druh ndăm, nŭih pah kan n’gor geh mbơh, ntĭm kan ndrel pă kan.

Tâm nê âk nŭih geh kan pah tâm di ntơm 52 ntŭk săch. Bok ma geh nau khuch yoor srê Covid-19, yơn năm 2020 ndrel bơi tât 4 khay bôk năm 2021, ntŭk kan Lao động, Thương binh ndrel xã hội n’gor Kon Tum hôm pă geh rlau 3.400 kan pah tâm dak, 178 nau kan hăn dak ba dih geh mbơh, ntĭm kan ân rlau 10 rbăn tŏ đòan viên, druh ndăm ndrel nŭih pah kan tâm nkuăl ƀon lan./.

Nŭih rblang: H’Thi