VOV4.M’nông – Ta năp nu nău jêr jŏt bah srê Covid-19 ta nkual ƀon têh Đà Nẵng, bah nar 21/6, N’gâng kan ntung trong n’gor Kon Tum an rlu nău nchoăn rdêng nsum mpôl hăn/tât ntŭk aơ. Rlău ma nău ƀư nchoăn rdêng năch nsum mpôl (tĭng trong hăn, ndeh tâm ton, ndeh taxi, ndeh pâl nđaih) geh trong hăn rlău nkual ƀon têh Đà Nẵng ri mô dơi rlu, njưh gay wơt năch ta n’gor Kon Tum. Đah ăp nuĭh hăn/tât nkual ƀon têh Đà Nẵng yor nkô̆ nău pah kan, ndeh rdêng nuĭh ji, nuĭh lĕ nar nkhah êng, ndeh rdêng rhŏ an njrăng n’gang srê n’hanh ăp nău khlay êng dơi an bah ngih pah kan dơi kan. N’gâng kan ntung trong n’gor Kon Tum jao Thanh tra n’gâng kan n’gor tâm rgop tay đah rmôt kan dơi kan n’hao ntĭm, uănh nđôi n’hanh rhăt jăp nău ƀư tĭng ăp trong njrăng n’gang srê ta ndeh rklư hăn nsum mpôl.

Nŭih rblang: Y Sưng Phê Ja