VOV4.M’nông: Ta năp nô nău nuh srê COVID-19 tât krit nji n'hanh mô gĭt năl lor, gay lor nchrăp njrăng nuh srê, UBND n'gor Kon Tum hŏ n'glêh an rlu ăp nău kan mô lăng khlay ntơm bah n'gul măng nar 6/5. Tĭng nê UBND n'gor Kon Tum đă ăp n'gâng kan, ăp nhih pah kan, đơn vị mpeh n'gor; UBND 10 nkuâl, nkual ƀon têh ntơm bah n'gul măng nar 6/5 mô ƀư rgum âk nuĭh lah mô geh nău kan khlay.

Manh rlu ăp ntŭk tăch rgâl rhŏ dŏng mô lăng khlay, geh ma nău ntưp rêng âk nuh srê COVID-19. Đah ăp ntŭk tăch rgâl rhŏ dŏng khlay êng ƀa ƀă dơi an pơk yơn ân tĭng ƀư jăp ăp trong njrăng n'gang nuh srê Covid-19, mô rgum âk nuĭh. Tĭng ƀư jăp nău wăn bok put mbung, weh uănh duh săk, rao kloh ti đah dak si nkhĭt kaman mô lah si ƀu...ntŭk âk nuĭh gŭ n'hanh ăp nhih pah kan, đơn vị, ntŭk ƀư njêng. N'gâng kan ntĭm nti n'gor Kon Tum hŏ n'glêh an rgâl nar uănh năl săk blău nti học kỳ II, năm nti 2020-2021 ăp gưl nti ơm lơn 1 pơh rđĭl đah trong nchrăp bôk năp./.

Nuĭh rblang: Điểu Thân