VOV4.M’nông: Lơ 21/7, ntŭk kan dak si n’gor Kon Tum hŏ kơp dơn geh nŭih tal 3 ntưp ma srê SARS-Cov2, nê lah B.T.X tâm xã Đăk Môn, nkuăl Đăk Glei. Jêh rnôk tât nkuăl Kbang, n’gor Gia Lai lŏ mâp tay ma ăp nŭih ntưp srê Covid-19, wa B.T.X tă bah Gia Lai sĭt n’gor Kon Tum tât ntŭk nkân njrăng srê mrô 1 Sao Mai, tâm xã Hoà BÌnh, nkuăl ƀon têh Kon Tum ndrel geh leo xét nghiệm ri năl ntưp srê SARS-Cov2. Tĭng Rnâng kan rđau nau njrăng, rdâng rsê Covid-19 n’gor Kon Tum nŭih F0 aơ kŏ kơt lah F0 bah năp nê kŏ geh saơ ndrel nkhah tâm ntŭk geh nkân njrăng srê, ê lăp tâm n’gor Kon Tum. Gay đăp mpăn nau kan njrăng, rdâng srê Covid-19, n’gâng kan dak si n’gor Kon Tum geh nau mbơh ndal joi nŭih tât ntŭk nkân njrăng srê Sao Mai tâm trong quốc lộ 14, tâm thôn 2, xã Hoà Bình, nkuăl ƀon têh Kon Tum./.

Nŭih rblang: H’Thi