VOV4.M’nông: Năm nti dja, Nhih nti mầm non xã Đak Mar, nkuâl Đak Hà geh 587 kon se nti, tâm nê 280 kon se gu\ sa n’gul nar. Ăp nar, gay rvê an ăp kon se du tơ\ sông nar n’hanh sa kêng măng, 3 nu^h way n’gon trău ndrel ăp nai nti tâm nhih nti du\t ko\ kol. Cô Phạm Thị Phương, Hiệu trưởng Nhih nti mầm non xã Đăk Mar an g^t, gay đăp mpăn to\ng kah sa n’hanh nkô| nău đăp mpăn kloh ue\h ndơ ngêt sa, nhih nti êng uănh khlay ntơm bah rnôk rvăt n’glăp ndơ sa, gâm rao…tât rnôk geh trău sa an ăp kon se. Ndr^ yơn, le\ ma rnôk t^ng lhăt ăp nău way, nău rvê khêh ndơ sa nha hôm mbro đo\ng. cô Phạm Thị Phương, lah:

            “Du\t rvê ngăn. Rlău 24 mông ma rnôk mô saơ me bơ\ kon se mbơh oh mon mô geh khêh ndơ sa mô lah tâm rnôk he mât kon se ta nhih nti mô geh ntil ntil ndơ rnôk nê ri ntơm bah cán bộ mât njrăng tât nai nti, nu^h kan mơ đăp mpăn”. Gay bah ir geh khêh ndơ sa ta ntu\k gu\ sa nsum, âk nhih nti ta nkuâl Đak Hà rgo\ jă đoàn viên công đoàn, đoàn viên druh ndăm [ư tăm biăp ta ntu\k gay an sa êng. Nai Dương Thị Tuyết, Hiệu trưởng Nhih nti mầm non Sơn Ca, thị trấn Đak Hà an g^t, Ban giám hiệu nhih nti dăn đă cán bộ viên chức bah nhih nti s^t jay rgo\ jă rnăk wâl tăm biăp n’hanh du đêt ntil tuh tăch an nhih nti. Đah trong [ư dja, ntu\k jay n’gon sa nsum rho\ do\ng an 256 kon se nti gu\ sa n’gul nar bah Nhih nti mầm non Sơn Ca ntlơi bah du nău rvê khêh bah tơm biăp. Bol ma kơt nê|, nău dja mô di lah ho\ bah rvê. Nai Dương Thị Tuyết, an g^t: “Mpeh ndơ sa nhih nti mbra [ư luh gay ăp oh mon sa ri nhih nti du\t đăp mpăn ngăn. Hôm du đêt ntil ndơ ma he so\k rvăt bah dih ri kalơ nuih n’hâm ân way groi nđôi mbro. Hôm kah ue\h, s^t uănh năl gay ma t^ng ăp rnoh tâm ndơ sa, nt^t kơt rnoh âk hóc môn bah puăch, bah ka ri nhih nti du\t jêr mpeh nkô| nău nê yor he dơn uănh saơ ma măt dơm, ma nău way ơm g^t sơch ndơ sa dơm”.

            Nău rvê geh ăp tơ\ khêh ndơ sa ta ntu\k jay gu\ sa nsum ta ăp nhih nti ta n’gor Kon Tum lah geh ntu\k nsing. Nkô| lah a[aơ nău mât uănh ntơm rvăt lăp ta ntu\k n’gon trău nsum lah du\t jêr [ư. Bol ma Ban giám hiệu ăp nhih nti geh kon se nti gu\ sa n’gul nar le\ nsrôih sơch, ký ton đah ăp ntu\k tơm nkh^t roch, ntu\k mât rong, ntu\k tăm biăp gay pă an tăch ma nhih nti đo\ng yơn mô geh nu^h năch ton đăp mpăn rnôk sơch bah nhih nti lah di. Wa Nguyễn Thị Thanh Thuý, Groi kruanh Phòng Giáo dục n’hanh Đào tạo nkuâl Đak Tô an g^t: “Ngăn ma lah săk gâp nơm du\t rvê đo\ng. Yor ăp nhih nti mpôl hên mô geh to\ng ăp ndơ năp do\ng gay ma test mpeh nkô| nău biăp play mô lah ăp ndơ ngêt sa rnôk rvăt n’glăp tâm gay n’gon trău geh kloh ue\h đo\ng lah mô? Đah rnoh âk mpôl hên mô dơi g^t lah mpeh tu tơm luh bah ndơ ngêt sa nê geh đăp mpăn kloh ue\h đo\ng lah mô?”

            Nău ngăn geh ta n’gor Kon Tum ăp năm bah năp nơh le\ geh du\t âk tơ\ khêh ndơ sa tâm ăp nhih nti. Na nê| lah geh mbro 2 tơ\ khêh ndơ sa tâm năm 2012 ta Nhih nti Tiểu học Võ Thị Sáu, xã Hơ Moong, nkuâl Sa Thầy n’hanh ta nhih nti Trung cấp nghề Kon Tum, [ư 267 kon se nti khêh ndơ sa. Năm 2014 ta Nhih nti Phổ thông dân tộc bán trú Phan Đình Phùng, xã Hơ Moong, nkuâl Sa Thầy geh du rơh khêh ndơ sa [ư 48 kon se nti ân tât hăn gu\ săm ndal. Aơ lah nău mbơh njrăng lor du\t njrăng.

            Ta năp nău ngăn geh dja, wa Hoàng Chí Trung, Chi cục trưởng Chi cục đăp mpăn kloh ue\h ndơ ngêt sa n’gor Kon Tum, an g^t: “A[aơ nău mât njrăng ndơ ngêt sa rvăt lăp ta ăp ntu\k n’gon trău nsum ri du\t jêr t^ng [ư. Mpeh dơh ue\h dơn geh du đêt nhih nti gu\ ta nkual [on têh Kon Tum, ăp thị trấn n’hanh du đêt jay n’gon trău bah Nhih nti nội trú dân tộc dơm. Nkô| lah ta ăp ntu\k n’gon trău dja ri bu mbra sơch ndơ ngêt sa âk ntil, ndơ ngêt sa nha rêh n’hanh ta ăp nhih nti mbra dơi tăm êng, mât rong êng gay pă an ta ntu\k. Hôm [a [a\ ri a[aơ nău sơch ndơ ngêt sa mpeh tu tơm, ntu\k tơm luh păng mô kloh rvoah lơn lah ăp ntil biăp, play tâm ban kơt puăch ăp ntil ndơ geh [ư bah puăch đo\ng. Ntu\k nkh^t roch rgum a[aơ mô ho\ njêng du trong ăp to\ng. N’hanh nău mât njrăng mpeh dak si ndru\ng tâm ban kơt rmeh dak si ndru\ng ta ăp ntu\k mât tăm tâm [on lan mô ho\ dơi mât lhăt đo\ng. Hôm ta ăp nhih nti nkual jru ngai, tă bah tơm prăk do\ng đêt mô dơi tâm ton đah ăp nu^h tơm tăch gay pă an ndơ ngêt sa kloh ue\h an ăp ntu\k n’gon trău nsum. Jêng khân păng dơn rvăt tay bah ăp nu^h rdeng n’hanh trong rdeng bah nkual [on têh Kon Tum hăn tât ăp nhih nti nkual jru ngai roh du\t n’hâm đê| 4 mông. Yor kơt nê| geh ma nău ntưp kaman n’hanh khêh ndơ ngêt sa âk.

            Mpeh du đêt trong nkra ta năp măt gay đăp mpăn kloh ue\h ndơ ngêt sa ta ăp nhih nti ta Kon Tum, wa Hoàng Chí Trung an g^t: “Mpôl hên le\ lor nchrăp ntơm bah bôk năm rdâk njêng trong nchrăp, kan nsum đah Sở Giáo dục- Đào tạo tâm ban kơt ăp Phòng Giáo dục- Đào tạo n’hanh UBND ăp nkuâl, ăp nhih pah kan nkoch trêng n’hanh nt^m nti mpeh nău g^t blău mât đăp mpăn kloh ue\h ndơ ngêt sa an rmôt cán bộ pah kan mât njrăng, cán bộ y tế, nu^h kan ăp nhih nti tâm ban kơt ăp nai nti n’hanh công nhân viên chức ta ăp jay n’gon trău gu\ sa nsum dja đo\ng. Tâl bar đo\ng lah mpôl hên kan nsum đah kruanh rđău kan doanh nghiệp n’hanh Sở Giáo dục- Đào tạo way ôp uănh mbro đă ăp ntu\k jay n’gon trău nsum ân ton n’gon trău kloh ue\h do\ng đăp mpăn kloh ue\h ndơ ngêt sa./.

Nu^h nchih rblang: Điểu Thân