VOV4.M’nông – Ta rơh rƀŭn mbơh mpeh ăp ndơ kơl an bah Campuchia tâm nău ƀư Kruanh ASEAN 2022 ta ntŭk kan N’gâng kan nchră nău n’hanh Kan ndrel lam ntŭr neh Campuchia mhe aơ, wa Park Sokhon, Groi Thủ tướng nkre ƀư Kruanh n’gâng kan tâm rnglăp nchră nău n’hanh kan ndrel lam ntŭr neh mĭn lah Campuchia mbra n’hao ƀư tơm ăp ding, tâm ban n’hanh nsing tâm luật pháp. “Mpôl hên rƀŏng ta nău nsing nơm ndrel, tâm ryơk ndrel n’hanh geh ndrel. Ndrel đah nĕ lah nău tâm wât ndrel, tâm di đah ăp nău way n’hanh nău rƀŏng n’gluh an tâm Hiến chương Liên hợp quốc, Hiến chương ASEAN, Hiệp ước Thân thiện n’hanh Kan ndrel ta Đông Nam Á n’hanh ASEAN,... Ta năp nu nău duh jêr hao ta Biển Đông, wa Park Sokhon mĭn lah, nău ký ton n’hanh ndơ̆  an dŏng Bộ quy tắc tâm uănh ta Biển Đông lah nău ŭch khlay. Ndrel đah nĕ, Campuchia mbra ƀư nkah gĭt 20 năm ndâk njêng sam ƀŭt nău mbơh mpeh trong tâm uănh bah ăp ding ta Biển Đông.

Nŭih blang: Y Sưng Phê Ja