VOV4.M’nông – Bah nar 5-11/5, Ủy ban Mặt trận Tổ quốc Việt Nam n’gor Khánh Hòa ƀư Rƀŭn nchră mâp nuĭh ƀon lan rgŏ jă săch đah ăp nuĭh dơi săch nuĭh ntoh măt an Quốc hội khóa 15 năm kan 2021-2026. Kruanh Ban Kinh tế Trung ương Trần Tuấn Anh râng rƀŭn nchră ta Ntŭk săch mrô 1, geh nkual têh Ninh Hòa n’hanh nkuăl Vạn Ninh, n’gor Khánh Hòa. Tâm ăp nar mâp nuĭh ƀon lan rgŏ jă, wa Trần Tuấn Anh lĕ mbơh nkô̆ nău bôk nău kan ƀư bah nơm. Du đêt nău kan khlay lôch jêh. Kruanh Ban Kinh tế Trung ương Trần Tuấn Anh mĭn lah: Tĭng jăp nkô̆ nău, hăn ndrel đah nuĭh ƀon lan, djăt nău ngăn tâm nău rêh bah nuĭh ƀon lan n’hanh doanh nghiệp gay mĭn njêng, tâm ôp tâm nchră, dăn đă đah Trung ương ndâk njêng trong hăn, nău ntrŭnh, nău kơl têh yor nău uĕh ngih dak, rnoi mpôl, yor nuĭh ƀon lan, sŏk nuĭh ƀon lan ƀư tơm n’hanh nău rƀŏng kan, trong mkra hun hao wăng sa-rêh jêng nkoch ta Nghị quyết Đại hội đại biểu rơh tal 18 bah Đảng bộ n’gor Khánh Hòa đah nău khlay ndơ̆ wăng sa bah n’gor Khánh Hòa hun hao ngăch, nâp nâl.

Nuĭh răk rblang: Y Sưng Phê Ja