VOV4.M’nông: Di nkah 91 năm Nar vay ơm Mặt trận Tổ quốc Việt Nam (18/11), măng 15/11, Kruanh Ban Nội chính Trung ương Phan Đình Trạc hŏ tât khâl Tổ dân phố 3, Phường Phan Chu Trinh, Phường 9, Nkuăl ƀon têh Đà Lạt, n’gor Lâm Đồng. Aơ lah tổ dân phố bôk năp bah Đà Lạt geh Uỷ ban MTTQ Việt Nam n’gor Lâm Đồng kơp dơn lah nkuăl ƀon lan mhe. Wa Phan Đình Trạc kơp dơn ndrel rnê ngăn ăp nau tă geh ma gưl uỷ, n’gâng kan, MTTQ ndrel kônh wa ƀon lan ta aơ hŏ tă dơi geh tâm rơh rlau aơ.

Ngăn lah nuih n’hâm tâm kơl gay ma hun hao văng sa, rlet rlau nau jêr bah năp nau tât bah srê Covid-19 ndrel mât nau dơi ƀon lan ƀư mhe. Kruanh ban nội chính Trung ương Phan Đình Trạc ŭch ƀon lan Tổ dân phố 3 Phan Chu Trinh lŏ tâm rnglăp, ƀư ueh nau rêh nŭih Đà Lạt “mleh, ueh, ŭch rŏng năch”. Rơh aơ, wa Phan Đình Trạc pă nklâm ndơ ân Tổ dân phố 3 Phan Chu Trinh, Uỷ ban Trung ương MTTQ Việt Nam, n’gor Lâm Đồng ndrel nkuăl ƀon têh Đà Lạt kŏ pă nklâm ndơ ân 7 rnăk geh nau dơi kơl ndrel 5 rnăk vâl ntoh lư./.

Nŭih rblang: H’Thi