VOV4.M'nông: Wa Phan Đình Trạc - Kruanh Ban Nội chính Trung ương ndrel mpôl đại biểu Quốc hội đơn vị n'gor Lâm Đồng mhe geh rơh mâp ƀon lan xã Hiệp An, nkuâl Đức Trọng n'hanh du đêt phường, xã ta nkual ƀon têh Đà Lạt. Ta ăp ntŭk mâp, ƀon lan mpơl nău nsing nơm n'hanh mpŏng tâm ăp nău n'glêh an ntrŭt ntrôl hun hao wăng sa- rêh jêng kon nuĭh, trong nkra rlău dơi jêr jŏt tă bah nuh srê Covid-19 bah Chính phủ, bah Quốc hội lôch rơh hop tâl 2, Quốc hội khóa XV.

Nkre, dăn đă tay âk nkô̆ nău geh tât pah kan mât uănh ngih dak kalơ ăp trong kan, ăp trong kơl đăp mpăn lam rêh jêng kon nuĭh n'hanh trong nchrăp ntrŭt ntrôl ƀư njêng tăch rgâl tâm nô nău kơt ơm mhe. Lah bah năp ƀon lan, wa Phan Đình Trạc, Kruanh Ban Nội chính Trung ương lah rjăp, ăp nău rgop, nău dăn đă bah ƀon lan lah nău ŭch rŏng di ngăn. Mpôl đại biểu Quốc hội n'gor Lâm Đồng mbra nchih nkah n'hanh đă ăp nhih pah kan geh nău dơi kan mĭn uănh, joi trong nkra bah tâm let năp tay./.

Nuĭh rblang: Điểu Thân