VOV4.M’nông – Kêng măng 28/7, nar pah kan n’gleh dŭt bah rơh rƀŭn bôk năp, Quốc hội lĕ nsơr ty mbơh an nghị quyết săch dăp rnoh nuĭh Chính phủ năm kan Quốc hội khóa 15, geh 27 nuĭh: Thủ tướng Chính phủ; 4 Groi Thủ tướng Chính phủ; 18 Kruanh n’gâng kan n’hanh 4 Kruanh ngih pah kan tâm ban bộ. Kêng măng 28/7, Kruanh dak Nguyễn Xuân Phúc lĕ an nău ntrŭnh nsing nơm săch an ăp nuĭh Chính phủ.

Kruanh dak an nău ntrŭnh nsing nơm săch an ăp nuĭh Chính phủ

Ntoh ngơi ta nar ƀư, ndơn măt Kruanh Đảng, ngih dak mbah rhơn Thủ tướng Phạm Minh Chính, ăp Groi Thủ tướng Chính phủ, ăp Kruanh N’gâng kan n’hanh groi kruanh ngih pah kan tâm ban bộ, Kruanh dak Nguyễn Xuân Phúc uănh lah, bah rnôk uănh tay ăp gưl săk Kruanh ngih dak tât aƀaơ, bôl mông nar mô âk yơn nsum mpôl Chính phủ yor Thủ tướng Phạm Minh Chính dâk bôk lĕ ngăch tĭng nău kan, ơm mbơh ƀư dăng, tâm ban ndrel ăp trong ntĭm rđău, ƀĭt joet; nsum tay du rmôt pah kan ngăch, dŭt n’hâm ƀư ndrel.

Nuĭh rblang: Y Sưng Phê Ja