VOV4.M’nông: Kruanh dak Nguyễn Xuân Phúc mhe geh n’ha săm ƀŭt rnê ngăn Tổng Liên đoàn Lao động Việt Nam mpeh nau rgŏ jă ndrel ntrŭnh ƀư geh nau dơi Bôk nau kan “75 rbăn nau kan mhe, rlet rlau, hun hao” tâm rnôk di nkah 75 năm Nar Quốc tế Lao động ta Việt Nam. Bôk nau kan rgŏ jă tâm đoàn viên công đoàn, công nhân, viên chức, viên chức, nŭih pah kan bah ăp gưl kan, ntŭk kan, rmôt kan, ntŭk ƀư nau kan tăch rgâl tâm lam dak. Kruanh dak rnê lah “75 rbăn nau kan mhe, rlet rlau, hun hao” lah bôk nau kan n’hêl ngăn yor nau pah kan ê nkra lah nau tơm gay ma njêng drăp ndơ ndrel nau nâp bah neh dak. Bôk nau kan kơl ndâk ndrel ntrŭt dăng nau blau văn hoá mhe tâm ntŭk kan, rmôt kan: Ăp nŭih kŏ gơih kan, gơih ƀư, mĭn, rgop tâm nau hun hao bah ntŭk nơm kan. Kruanh dak rnơm ndrel rhơn ân Tổng Liên đoàn Lao động Việt Nam lŏ ƀư ueh Bôk nau kan “75 rbăn nau kan mhe, rlet rlau, hun hao”, lŏ geh nau kan khlay ndrel rêng lam, rgop nau ƀư âk lơn nau rnơm ndrel nau ŭch nsôih ân neh dak Việt Nam janh dăng, ueh lăng./.

Nŭih rblang: H’Thi