VOV4.M’nông: Nar aơ lơ 29/4, Rnâng kan rđau kan rgâl mhe Tư pháp Trung ương rƀŭn nchră nau tă geh ƀư nau ntrŭnh 549 bah Thủ tướng Chính phủ năm 2013 ân ƀư Bôk nau kan “Ndâk njêng ngih săm ƀŭt Đại học Luật Hà Nội ndrel Ngih săm ƀŭt Đại học Luật nkuăl ƀon têh Hồ Chí Minh jêng ăp ngih săm ƀŭt tơm gay ma ntĭm nti cán bộ mpeh pháp luật” ndrel nau ntrŭnh mrô 2083 bah Thủ tướng Chính phủ năm 2013 ân ƀư Bôk nau kan “Ndâk học viện tư pháp jêng ntŭk ntĭm nti têh ăp nŭih kan tư pháp”. Bah năp nê lơ 28/4, Kruanh dak Nguyễn Xuân Phúc, Kruanh Rnâng kan rđau nau rgâl mhe Tư pháp Trung ương hŏ ƀư tơm nar rƀŭn nchră mpeh nau kan aơ. Ta rơh rƀŭn aơ, rđau kan bah du đê̆ ntŭk kan, n’gâng kan ndrel ăp ngih săm ƀŭt, học viên ntoh du du đê̆ nau kan mpeh ntŭk dŏng, tu tơm ntuh kơl ăp nau kan tĭng ăp nau ntrŭnh 549 ndrel 2083 bah Thủ tướng Chính phủ. Rđau kan 2 ngih săm ƀŭt đại học luật kŏ ŭch ngih săm ƀŭt ân geh nkoch mbơh kloh ăp nau kan pháp luật ndrel rgop nau tâm nau ndâk njêng nau kan. Ntoh nau ta nar rƀŭn, Kruanh dak rnê prêh ăp nau ngih săm ƀŭt, học viên hŏ geh âk nau nsôih tâm nau ƀư Bôk nau kan tĭng nau ntrŭnh 594 ndrel 2083 mpeh rlau aơ. Nau kan ndrel nau nâp ntĭm nti geh n’hao prêh, jêng ăp rmôt kan ntĭm nti geh nau ntoh lư tâm lam dak./.

Nŭih rblang: H’Thi