VOV4.M’nông: Kêng măng 4/5, ta Hà Nội, Kruanh dak Nguyễn Xuân Phúc ƀư tơm rơh pah kan đah kruanh rđău kan tư pháp trung ương n'hanh Bộ Công an mpeh nău an dŏng Luật Đặc xá năm 2018. Tĭng uănh năl bah ăp nuĭh ntơh măt râng hop, Luật Đặc xá năm 2018 hŏ ƀư bah nău khoah tơm bah Luật Đặc xá năm 2017. Luật hŏ jao an Chính phủ quy định na nê̆ du đêt nău nkol bah nuĭh dơi dăn đă an luh ndrung ơm, si ƀŭt dăn đă an luh ndrung ơm, rêng ƀư, si ƀŭt, hồ sơ dăn đă an luh ndrung ơm, nău dơn kan bah UBND ăp gưl, nhih pah kan mpôl kan geh tât...Lah ta rơh hop, Kruanh dak Nguyễn Xuân Phúc rđău đă nău an luh ndrung ơm ân tĭng ƀư di rêng, mbơh kloh rvah, di quy định bah pháp luật n'hanh mô an geh njâm mo. Rnôk geh trong nchrăp ngăn bah Đảng, Ngih dak ri ân lor nchrăp ăp si ƀŭt, nău dăn đă, ntĭm nti geh tât, tĭng ƀư di quy định Luật Đặc xá 2018.

Nuĭh rblang: Điểu Thân