VOV4.M’nông: Lơ 2/6, Kruanh dak Nguyễn Xuân Phúc hŏ geh n’ha săm ƀŭt njoăl tât Tổng thống Liên bang Nga Vladimir Putin gay tâm nchră nmpeh nau tâm boh 2 ding, tâm nê geh nau kan n’hao nau tâm boh nau kan njrăng rdâng srê Covid-19. Tâm n’ha săm ƀŭt, Kruanh dak lah rjăp, Việt Nam mro uănh nau tâm boh kan nsum vay ơm ndrel dak kan nsum ăp ntil Việt Nam-Nga, ŭch leo nau tâm boh đah 2 dak lơn lăp tâm nau jru, săk tam, nkre ntoh nau rhơn rnôk nau tâm boh bar ding lŏ geh nau ueh lơn tâm ăp nau kan, bol ma geh nau khuch bah srê Covid-19.  Lah ueh Tổng thống Vladimir Putin ndrel Liên bang Nga hŏ pă ân 1000 dĭng vắc xin ndrel âk ntil ndơ dŏng dak si rdâng njrăng srê êng êng, Kruanh dak Nguyễn Xuân Phúc ŭch Nga kơl an, pơk trong nơih ueh lơn gay kơl an Việt Nam ơm geh dŏng vắc xin bah Nga, kŏ kơt lah tâm boh nau kan ê nkra vắc xin ta Việt Nam./.

Nŭih rblang: H’Thi