VOV4.M’nông: Lơ 30/5, Kruanh dak Nguyễn Xuân Phúc hŏ geh n’ha săm ƀŭt njoăl ân Tổng thống Mỹ Joe Biden gay ma tâm nchră rgâl nau tâm boh 2 dak, ngăn lah n’hao tâm boh rdâng ma srê Covid-19. Tâm n’ha săm ƀĭt njoăl, Kruanh dak rnê ndrel lah ueh Mỹ lŏ lah dak geh nau rgop têh ngăn rnôk ton kơl 4 rmen đola ân nau kan ndâk Ndơn lam ntur neh mpeh Vắc xin Covid-19 (COVAX) ndrel mbơh đah Tổng thống Joe Biden nau kan Việt Nam ndơn rơh 2 bah vắc xin đah nklăp 2,5 rkeh dĭng tă bah nau kơl an aơ.

Kruanh dak Nguyễn Xuân Phúc ŭch Mỹ lŏ kơl an Việt Nam ndrel ăp dak mpeh nau pă vắc xin, nkre đă 2 ding n’hao nau mĭn njêng, nkra ndrel pă jao nau kan nkra vắc xin Covid-19. Kruanh dak lah rjăp, Việt Nam mro uănh khlay nau tâm boh ăp ntil ma Mỹ ndrel rnơm lah tâm nuih n’hâm tâm boh kan, 2 ding lŏ ntrŭt dăng tâm boh 2 ding nar lơn nâp, jru, ngăn, leo nstĭ nau geh jêng ân 2 dak, rgop nau mâp nau đăp mpăn, rnă njrăng ndrel hun hao tâm nkuăl ndrel lam ntur neh./.

Nŭih rblang: H’Thi