VOV4.M’nông: Kêng măng 1/7, ta Nhih pah kan kruanh dak, Kruanh dak Nguyễn Xuân Phúc, Kruanh Ƀan rđău đă rdâk njêng Đề án hŏ geh rơh pah kan đah âk giáo sư, groi giáo sư, tiến sỹ, ăp nuĭh rnâng kan tâm trong kan khoa học pháp lý gay djăt nuĭh rnâng kan rgop nău mpeh Đề án rdâk njêng n'hanh lôch jêh ăp tŏng ngih dak pháp quyền XHCN. Lah ta rơh pah kan, Kruanh dak Nguyễn Xuân Phúc lah rjăp, Đề án lah "huêng tơm" tâm nău rgâl tư pháp, rdâk njêng tay ngih dak pháp quyền xã hội chủ nghĩa Việt Nam. Kalơ nuih n'hâm nê, Kruanh dak dăn đă ăp nuĭh rnâng kan, nuĭh khoa học rgop tâm du đêt nkô̆ kơt n'glĕ nău têh hvi bah đề án; mpeh bôk nkô̆, đề cương bah Đề án; mpeh nkô̆ gŭ mĭn; mpeh ăp way nkô̆ jru bah Đề án; nău tâm pă ăp nhih pah kan tĭng ƀư ăp nău way bôk nkô̆...n'hanh ăp nkô̆ êng ƀa ƀă ma ăp nuĭh rnâng kan, nuĭh khoa học ŭch rŏng rgop. Kruanh dak lah rjăp, ăp nău rgop ta rơh pah kan rơh dja mbra rgum djăt ăp tŏng tâm rnôk ƀư lôch jêh Trong nchrăp rdâk njêng Đề án. Ƀan rđău đă mbra dăn tay nău rgop ăp nuĭh rnâng kan, nuĭh khoa học, pơk ăp tơ̆ rgum nchră ta du đêt trong kan êng ƀa ƀă gay djăt ăp nău rgop mpeh Đề án./.

Nuĭh rblang: Điểu Thân