VOV4.M’nông – Ôi 2/11, ta Ninh Bình, Kruanh dak Nguyễn Xuân Phúc khâl du đêt ntrong kan Hợp tác xã nkra njêng n’hanh tăch rgâl ƀư săk rnglăy, nta âk nău kan an nuĭh pah kan ta ntŭk, nĕ lah HTX nkra njêng, tăch rgâl uk tăch rgâl Bồ Bát, nkuăl Yên Mô n’hanh HTX Sinh Dược nkuăl Gia Viễn. Di rơh aơ, Kruanh dak Nguyễn Xuân Phúc đă kruanh n’gor Ninh Bình, ăp nkuăl Gia Viễn, Yên Mô, Liên minh HTX Việt Nam n’hanh n’gor Ninh Bình, nta an nơih an ăp HTX hun hao, geh âk nău kan, rgop hun hao ƀon lan.

Kruanh dak Nguyễn Xuân Phúc uănh lah prêh ăp ndơ bah HTX Sinh Dược

Tâm nĕ an uănh tât ntop kơl prăk, neh, ntĭm nti nău kan, nkoch mbơh n’hanh mpla nsơr ndơ ntŭk tăch, ngăn lah ăp ndơ geh mĭn ƀư mhe âk, dơi ntŭk rwăt ŭch kơt ăp HTX Sinh Dược n’hanh Bồ Bát. Ndrel đah nĕ kơl ăp HTX hun hao ăp ndơ tĭng trong khlay, kơt dŏng khoa học công nghệ gay geh ndơ uĕh nâp, mô knŭng tâm di ăp ndơ an ntŭk tăch bơi 100 rkeh nuĭh ƀon lan Việt Nam ma hôm dơi tăch n’gluh.

Nuĭh rblang: Y Sưng Phê Ja