VOV4.Mnông- Dơn nău jă bâh Thủ tướng New Zealand, ôi nar 11/11, kruanh dak Nguyễn Xuân Phúc ntơm bôk nău kan tât râng rơh rƀŭn nchră gâl têh APEC tal 28 bâh nar 11 tât 12/11 tĭng trong trực tuyến.

Ôi nar 11/11, kruanh dak lĕ njoăl nău mbơh tât rơh rƀŭn nchră gâl têh doanh nghiệp APEC tĭng trong njoăl băng rhôp nău sŏk rup lor. Kuăl đă ăp n’gâng kan wăng sa APEC an geh ntuh kơl an nău rêh let năp tay mpŏng ta ăp nău kan ŭnh nar kloh ueh, hun hao công nghệ mhe đah nău ueh nđir ăp nar lơ ma âk, kruanh dak nkre lah kuăl đă ăp n’gâng kan wăng sa APEC, ăp doanh nghiệp n’hanh ăp dak kan ndrel ntuh kơl hun hao ueh nđir ta Việt Nam. Gay ma dơi ƀư ăp nkô̆ nău hun hao, ueh nđir, nâp nâl, kruanh dak Nguyễn Xuân Phúc lah na nê̆ tât nău kan bâh doanh nghiệp. Tâm nĕ, nău hun hao đah ndơ ndok cacbon đê̆, hun hao ueh nđir lah nău ueh nkhêp gay ma rgâl nău dơi tâm rlong, hun hao nâp nâl bâh doanh nghiệp.

Nuĭh rblang: Thị Đoắt