VOV4.M’nông: Kêng măng 15/7, ta nhih pah kan Kruanh dak, Kruanh dak Nguyễn Xuân Phúc hŏ geh rơh mâp Kruanh Mpôl nuĭh Hàn Quốc ta Việt Nam n'hanh du đêt tập đoàn têh Hàn Quốc. Ta rơh mâp măt, ntơh măt kruanh rđău kan Ngih dak, Kruanh dak Nguyễn Xuân Phúc rhơn rnê ăp doanh nghiệp Hàn Quốc ta Việt Nam hŏ mô an nuh srê COVID -19 ntưp rêng lam hvi tâm ăp nhih máy, ntŭk ƀư njêng tăch rgâl; đăp mpăn mât nău kan ƀư  njêng tăch rgâl mô pă gâl rêng pă an ndơ tăch. Lơn lah ăp doanh nghiệp Hàn Quốc hŏ nsrôih kơl hang rkeh đôlar an pah kan  njrăng, n'gang COVID – 19 n'hanh kơl Prăk nkrem vaccine njrăng n'gang COVID – 19 ta Việt Nam. Kruanh dak Nguyễn Xuân Phúc lah rjăp, Việt Nam ton nta trong dơh tăch rgâl dơh soih an ăp doanh nghiệp hun hao, tâm nê geh ăp doanh nghiệp Hàn Quốc gay ăp nuĭh ntuh kơl mô rlu nsan hao tâm ntŭk tăch rgâl mô dơn ta nkual Châu Á ma hôm ta lam ntŭr neh đŏng./.

Nuĭh rblang: Điểu Thân