VOV4.M'nông: Ôi 3/6, ta nhih pah kan Kruanh dak, kruanh dak Nguyễn Xuân Phúc, Kruanh Hội đồng Quốc phòng n'hanh An ninh, Mât bôk lĕ rngôch mpôl tahen kông an ƀon lan ndơ̆ si ƀŭt n'glêh an n'hao ƀư Tổng Tham mưu trưởng Quân đội Nhân dân Việt Nam an Thượng tướng Nguyễn Tân Cương - Ủy viên Trung ương Đảng, Ủy viên Thường vụ Quân ủy Trung ương, Thứ trưởng Bộ Quốc phòng.

 Kruanh dak Nguyễn Xuân Phúc nsing nơm n'hanh ŭch rŏng Thượng tướng Nguyễn Tân Cương kalơ nău kan mhe tiăr nti tay han săk chính trị, nău mĭn sŏng nâp, du nuih n'hâm tĭng đah Đảng, Ngih dak, Tahen n'hanh ƀon lan; nsrôih ndrel Quân ủy Trung ương, kruanh rđău kan Bộ Quốc phòng rđău đă, nchŏng đă, n'hao nău dơi kan tiăr nti, nchrăp rdâng lơh, đăp mpăn tahen he way ngăch prăl ƀư lôch jêh uĕh ăp nău kan ma Đảng, Ngih dak, Tahen n'hanh ƀon lan jao an./.

Nuĭh rblang: Điểu Thân