VOV4.M’nông: Kruanh dak Nguyễn Xuân Phúc mhe ƀư tơm nar rƀŭn tal pe Hội đồng neh dak ndrel rnă njrăng năm kan 2016-2021. Kruanh dak mbơh, rơh rƀŭn tal 3 aơ geh nau ƀư lôch năm lan, nkra nchră, tâm ban ăp nkô̆ nau khlay, njêng nau dơi ân nau kan bah Hội đồng neh dak, rnă njrăng tâm năm kan mhe ƀư jêh nau kan tĭng nau ntrŭnh bah Hiến pháp ndrel pháp luật. Kruanh dak Nguyễn Xuân Phúc lah rjăp, tâm rnôk ƀa hin, neh dak dôl dâk bah năp nau ntul rlong mpeh rnă njrăng ơm ndrel nau mhe.

Tâm nê geh nau rgâl mhe trôk nar, ngăn lah srê Covid-19 dôl geh tât jêr jêng nau kan têh bah neh dak. Nau kan aơ ŭch rmôt kan tahen, ngăn lah tahen, công an ndrel nchră nau ân geh rgum tơm gay ma rdâng, mât ân ueh ngăn n’hâm soan ndrel nau rêh bah ƀon lan. Bah năp nau tât bah srê Covid-19 tâm âk n’gor mpeh da dâng, Kruanh dak Nguyễn Xuân Phúc đă Chính phủ, ăp kruanh n’gâng kan ndrel ăp nkuăl bah ăp n’gor ân kơl an ân nŭih tâm nau njrăng, rdâng srê, ngăn lah đăp mpăn tŏng chuh vắc xin ân ƀon lan./.

Nŭih rblang: H’Thi