VOV4.M’nông: Ndơn nau jă bah Tổng thống Liêng bang Nga Vladimir Putin, Kruanh dak Nguyễn Xuân Phúc leo bôk rmôt kan gưl prêh Việt Nam khâl ngăn dak Nga ntơm lơ 29/11 tât 2/12/2021. Aơ lah rơh khâl khlay ngăn nkah 71 năm Việt Nam ndrel Nga ndâk nau tâm boh nchră nau, 20 năm bar dak ký nau ton lah nsum mpeh nau tâm boh ƀư nau kan ndrel bơi tât 10 năm.

Ndơ̆ mbơh nau ton lah nsum mpeh nau n’hao lơn tay nau tâm boh kan nsum ăp ntil, tă bah nê nchrăp luh ăp nau kan mhe đah bar dak. Rơh khâl ngăn bah Nga rơh aơ bah Kruanh dak Nguyễn Xuân Phúc hôm geh mpŏng lah ntrŭt dăng nau tâm boh Việt Nam-Nga tâm nau njrăng, rdâng srê Covid-19, ngăn lah nau ntrŭt dăng nau kơl an vắc xin ndrel jao nau kan ê nkra vắc xin ân Việt Nam. Tâm nau nê kơl an bar dak nkân njrăng srê ji ndrel ntrŭt dăng nau tâm boh đah 2 dak nar lơn lăp jru ndrel săk tam lơn./.

Nŭih rblang: H’Thi