VOV4.M’nông: Kêng măng ntri (30/7), Kruanh dak Nguyễn Xuân Phúc khâl n'hanh pah kan ta Bình Dương mpeh pah kan njrăng, n'gang nuh srê COVID-19. Kruanh dak lah rjăp, Bình Dương lah n'gor geh nău kan dŭt khlay tâm rêng pă an ndơ tăch bah jâng wăng sa Việt Nam, lah n'gor geh rnoh nuĭh âk, âk doanh nghiệp, nhih máy, xí nghiệp, lah ntŭk tâm rsong tăch rgâl bah Đông Nam bộ n'hanh nkual ƀon têh Hồ Chí Minh, jêng nău njrăng, n'gang  nuh srê mô đêt jêr jŏt. Mĭn lah Bình Dương hôm geh mông nar khlay, Kruanh dak đă n'gor ân êt lhăt ăp trong njrăng n'gang nuh srê, lơn lah rnôk du đêt nhih pah kan, đơn vị, mô hŏ tĭng ƀư jăp nău ntrŭnh 15, 16 bah Thủ tướng Chính phủ, ntơm bah nê kân đêt ntưp rêng n'hanh mô jêng tât lhăt bêng ir ta nhih dak si. Kruanh dak njrăng đă, rnôk tĭng ƀư mpă wêl n'hanh an gŭ srang ngai êng nău rêh, n'gor mô dơi an nuĭh ƀon lan ji ngot, kop ji mô geh nuĭh mât chăm; rgum dŭt âk tơm ndơ bah ngih dak, n'gor n'hanh ăp nuĭh lŏng nuih n'hâm gay nsum ti ntop kơl ăp nkual jêr jŏt./.  

Nuĭh rblang: Điểu Thân