VOV4.M’nông: Nar 24-5, Kruanh dak Nguyễn Xuân Phúc hŏ kuăl điện đah kruanh Trung Quốc Tập Cận Bình. Ta rơh kuăl điện, Kruanh dak Nguyễn Xuân Phúc lah rjăp Đảng n'hanh Nghih dak Việt Nam rôih sŏng tĭng gung trong êng nơm, âk ding, âk ntil, tâm nê uănh khlay hun hao tâm boh kâng n'har tâm rnglăp, tâm boh jŏ jong lam lĕ rngôch đah Trung Quốc.

Kruanh dak nkoch du đêt trong nkra tơm khlay ntrŭt ntrôl tâm boh bar dak tâm let năp tay kơt n'hao dăng nsing nơm, ntrŭt ntrôl tâm boh lam lĕ rngôch, geh nău tâm ban, ndrel nsĭt geh nău dơi. Tổng bí thư, Kruanh dak Trung Quốc Tập Cận Bình mpơl nău nsing nơm ta nâm nău rđău kan sol ang bah Đảng Cộng sản Việt Nam, ƀon lan Việt Nam mbra tĭng ƀư geh nău dơi ăp rnoh tât kan, nău kan Đại hội Đảng tâl XIII ndơ̆ luh. Păng lah rjăp Đảng, Ngih dak n'hanh ƀon lan Trung Quốc uănh khlay tâm boh đah Việt Nam, ŭch rŏng n'hanh nsrôih ndrel Đảng, Ngih dak n'hanh ƀon lan Việt Nam n'hao dăng tay tâm boh tâm rnglăp đah bar dak, ndơ̆ tâm boh lam lĕ rngôch jŏ jong Việt Nam- Trung Quốc hun hao têh lơn đŏng./.

Nuĭh rblang: Điểu Thân