VOV4.M’nông: Kêng măng 15/7, ta ntŭk kan Kruanh dak, Kruanh dak Nguyễn Xuân Phúc hŏ geh nar kuăl điện thoịa tâm nchră đah Tổng thống Indonesia Joko Widodo mpeh nau tâm boh 2 ding kŏ kơt lah nau kan tâm nkuăl ndrel lam ntur neh ndrel uănh khlay. Bar rđau kan tâm ban nau gay n’hao nau tâm boh, pă mbơh nau tă blau nau kan tâm nau njrăng rdâng srê Covid-19 ndrel lŏ geh ndơn vắc xin săk tam. Tổng thống Joko Widodo rnê prêh nau tă dơi geh bah Việt Nam ƀư nau kan bar ntil, nkre nkân njrăng srê ueh, nkre hun hao nau kan văng s ảêh jêng. Kruanh dak Nguyễn Xuân Phúc pă ăp nau jêr ma Indonesia dôl rdâng tâm nau lơh rdâng srê Covid-19, rnơm lah Indonesia mra ơm nkân njrăng srê ndrel ndâk văng sa. Kruanh dak lah ueh Indonesia hŏ tâm boh ueh đah Việt Nam tâm nau tâm boh kơl an ƀon lan mâp nau jêr rnôk srê Covid-19, đă Indonesia lŏ pơk trong nơih ân ƀon lan Việt nam ta Indonesia geh khám săm ji, nkhah ndrel săm lah geh nau ŭch./.

Nŭih rblang: H’Thi