VOV4.M’nông: Ƀư tĭng bôk nau bonh đă cử tri bah năp nar săch ntơh măt Quốc hội gưl 15 ndrel ntơh măt HĐND năm kan 2021-2026, tâm 2 nar 9-10/5, Kruanh dak Nguyễn Xuân Phúc ndrel ăp nŭih hŏ tât mâp cử tri tâm 2 nkuăl Củ Chi ndrel Hóc Môn, nkuăl ƀon têh Hồ Chí Minh. Mbơh nau tâm bôk nau kan bah nơm, Kruanh dak Nguyễn Xuân Phúc ân lah, nau kan bôk năp bah ăp nŭih ân geh săch lăp pah kan ntơh măt Quốc hội, ntơh măt HĐND lah ân geh djăt ƀa ƀơ nau ŭch, nau mĭn bah cử tri, nkoch mbơh năn tât Quốc hội, HĐND ndrel ăp ntŭk kan n’gâng kan gay ma năn rgop tâm nau ndâk njêng neh dak ndrel nkuăl ƀon têh Hồ Chí Minh ân ueh, mhe, tâm boh, mât ueh ăp nau ơm khlay. Ntơh măt ăp nŭioh, Kruanh dak Nguyễn Xuân Phúc ŭch ăp nŭih ơm geh nau dơi săch, ân geh rgop âk gay 2 nkuăl ơm jêng Quận tâm nkuăl ƀon têh. Đah Củ Chi, Kruanh dak ân lah, ăp nŭih geh dơi lăp kan ngăn ri ân geh uănh kơl nau rgâl mhe, tâm nê geh hun hao nau kan, đô thị ueh, leo Củ chi jêng Quận ndrih ueh bah nkuăl ƀon têh Hồ Chí Minh./.

Nŭih rblang: H’Thi