VOV4.M’nông: Kŏ tâm rơh hăn khâl, Kruanh dak Nguyễn Xuân Phúc hŏ geh rơh tâm mâp đah ăp đồng chí Khamtai Siphandone, Kruanh Đảng, Kruanh dak, wa Choummaly Sayasone, Tổng Bí thư, Kruanh dak ndrel đồng chí Bounnang Vorachith, Tổng Bí thư, Kruanh dak Lào. Tâm ăp rơh tâm mâp, Kruanh dak Nguyễn Xuân Phúc ntoh nau rhơn rnôk geh mâp ăp nŭih nô, nŭih kan nsum, băl tâm dăch dơn bah Đảng, Ngih dak ndrel ƀon lan Việt Nam. Ăp rđau kan gưl prêh bah Lào ntoh nau rhơn bah năp nau hun hao ueh bah nau tâm boh tâm rnglăp ueh đah Đảng, Ngih dak ndrel ƀon lan bar dak tâm rơh rlau aơ, rnê prêh ăp nau tă dơi geh tâm nau tâm nchră, đă bar ding lŏ kơl an nau ntĭm nti nkoch trêng ân ƀon lan bar dak, ngăn lah rơh mom mpeh nau ueh ơm, tâm boh jŏ jong Lào-Việt Nam, Việt Nam Lào./.

Nŭih rblang: H’Thi