VOV4.M’nông – Nkhêp di nkah gĭt 20 năm nar Rnăk wâl Việt Nam (28/6), Kruanh dak Nguyễn Xuân Phúc lĕ njuăl nău mbah rhơn, nău mbơh njưal tât lĕ rngôch ăp rnăk wâl ta Việt Nam, tâm nĕ kuăl jă ăp rnăk yor ŭch du Việt Nam hăn ngai lam ntŭr neh, têh dăng n’hanh uĕh lăng. Nău mbơh geh gưl nchih: “Tâm rnôk srê Covid-19 dôl geh jêr jŏt ta dak he, âk cán bộ, nai dak si, tahen lĕ mô klach njê, mô klch hăn ntŭk srê. Yor rnăk wâl lĕ nsing nơm, ntrŭt đă khân pơng rlet rlău jêr jŏt lôch uĕh nău kan. Âk rnăk rgop kơl drăp ndơ, nuih n’hâm, ntrong leo, ntrŭt đă nuĭh bên tĭng uĕh nău ntrŭnh nsum ndrel Đảng, Ngih dak Việt Nam n’hanh lĕ trong chính trị njrăng n’gang srê gay Việt Nam jêng ntŭl ntoh ang dơi băl mpôl lam ntŭr neh kơp dơn uănh lah prêh. Gâp dŭt n’hâm rnê rhơn ăp gưl, ăp nău kan, ăp ntŭk, ăp rmôt kan, êng uĭh ta lam dak, nsum mpôl Việt Nam ta dak bah dih lĕ geh âk nău ƀư dŭt n’hâm, rgop ndâk njêng rnăk wâl Việt Nam uĕh lăng, hao ngăch, hun hao nâp nâl”.

Nŭih rblang: Y Sưng Phê Ja