VOV4.M'nông: Tâm rnôk hăn khâl ngăn dak Cộng hòa Dân chủ Nhân dân Lào, kêng măng nar 09/8, Kruanh dak Nguyễn Xuân Phúc hŏ geh rơh ôp srĭng nău đah Thủ tướng Chính phủ Lào Phankham Viphavanh. Ta rơh ôp srĭng nău, bar kruanh rđău kan rnê âk ăp trong rdâng lơh geh nău tam đah nuh srê Covid-19 bah ăp dak tâm bah ri aơ nơh; nkre mpơl nuih n'hâm tâm di mpeh nău tâm kơl nsum năn ngăch, tâm rnglăp oh nô bar dak hŏ tâm kơl nsum rdâng lơh nuh srê. Bar kruanh rđău kan tâm ban ŭch âk mpeh  trong rƀŏng tâm boh tâm let năp tay, tĭng nê lah rjăp ân tâm boh kan nsum tĭng ƀư jăp ăp nău tâm ton gưl têh, an ƀư geh nău tam Hiệp định mpeh tâm boh bar ding Việt Nam - Lào lvang năm 2021-2025 n'hanh tâm ton têh jong tâm boh Việt Nam - Lào lvang năm 2021-2030 nkre ntêm an âk mông tâm ôp mpeh ăp trong nkra na nê̆ gay ntrŭt ntrôl tâm boh wăng sa, tăch rgâl n'hanh ntuh kơl./.

Nuĭh rblang: Điểu Thân