VOV4.M’nông: Ôi 30/6, ta Nhih pah kan kruanh dak, Kruanh dak Nguyễn Xuân Phúc pah kan pơk sŏng dăng đah wa Choi Young Joo, Kruanh Mpôl tâm rnglăp Hàn-Việt, nkre lah Kruanh Tập đoàn Panko. Kruanh Mpôl tâm rnglăp Hàn-Việt an gĭt, ăp doanh nghiệp Hàn Quốc hŏ rgop geh 1 rkeh đôlar kơl Việt Nam rdâng lơh đah nuh srê Covid-19. Ma Mpôl tâm rnglăp Hàn-Việt, Kruanh dak Nguyễn Xuân Phúc kuăl jă ăp doanh nghiệp Hàn Quốc kơl tay Việt Nam njrăng, n'gang nuh srê Covid-19, nkre ntrôl dăng ntuh kơl tâm ăp trong kan khoa học công nghệ, dak si, nkual ƀon têh ăp tŏng nău lư n'hanh âk trong kan êng ƀa ƀă. Kruanh dak rnê âk wa Choi Young Joo, Kruanh Mpôl tâm rnglăp Hàn-Việt, Tập đoàn Panko n'hanh ăp tập đoàn êng ƀa ƀă bah Hàn Quốc kơt Samsung, SK,…, hŏ an âk nău rŏng, nuih n'hâm uĕh lŏng an Việt Nam, nkre ntop kơl Việt Nam rdâng lơh đah nuh srê, nkre ntrŭt ntrôl ăp tập đoàn têh bah Hàn Quốc ntuh kơl tâm Việt Nam.

Nuĭh rblang: Điểu Thân