VOV4.M'nông: Măng 17/11, Kruanh dak Nguyễn Xuân Phúc râng, rhơn nsum đah kônh wa ƀon lan phường Điện Biên, quận Ba Đình, Nkual ƀon têh Hà Nội tâm Nar rgum tâm rnglăp lam rnoi nuĭh. Kruanh dak Nguyễn Xuân Phúc rhơn rnê Đảng bộ, n'gâng kan n'hanh ƀon lan Phường geh âk nău nsrôih, rlău jêr jŏt bah nuh srê.

Kruanh dak rhơn rnôk nău rêh drăp ndơ, nuih n'hâm bah nuĭh ƀon lan Phường Điện Biên nar lơn ma hao, mô geh rnăk ach o...Kruanh dak dăn đă ƀon lan phường n'hanh nkual ƀon têh Hà Nội n'hao nău gĭt êng, lor nchrăp njrăng n'gang nuh srê; mât uĕh tay nuih n'hâm tâm mât tâm kơl, tâm pă nsrum, ndrel rlău dơi jêr jŏt tă bah nuh srê aƀaơ. Bah năp nê, tâm kêng măng nar 17/11, ta Nhih pah kan kruanh dak, Kruanh dak Nguyễn Xuân Phúc hŏ mâp măt n'hanh wơt mpôl ntơh măt nuĭh geh nsing nơm, kruanh thôn ntoh lư, ntơh măt an ăp kruanh thôn n'hanh 1.300 nuĭh geh nsing nơm bah lam n'gor Bắc Kạn, sĭt khâl Thủ đô Hà Nội./.

Nuĭh rblang: Điểu Thân