VOV4.M'nông: Dơn nău jă bah Thủ tướng New Zealand, Kruanh dak Nguyễn Xuân Phúc mbra râng tâm nchră gưl têh APEC tâl 28 ntơm bah nar 11 tât 12-11 tĭng trong pơk sŏng dăng.

Tâm trôm pơh lễ APEC rơh dja, Kruanh dak Nguyễn Xuân Phúc mbra râng n'hanh lah ta rnôk tâm nchră gưl têh doanh nghiệp APEC đah nău tât râng bah nklăp 4500 nuĭh ntơh măt kruanh rđău kan ăp doanh nghiệp dâk bôk năp nkual châu Á-Thái Bình Dương; lôch nê lah Tâm nchră ăp Kruanh rđău kan wăng sa châu Á-Thái Bình Dương tâl 28 geh nkô̆ "Kan nsum tâm APEC gay ntrôl dăng dâk hao tay wăng sa lôch bah nuh srê COVID-19; Ăp trong dơh soih n'hanh ntul rlong lơn âk tâm lam ntŭr neh bah kơi nuh srê COVID n'hanh mhâm ƀư gay đăp mpăn ăp nău dơi tâm pă tâm ban tât lĕ rngôch nuĭh ƀon lan tâm rơh aƀaơ n'hanh let năp tay", rgum tâm nchră ta bar nkô̆ lah mpŏng hao wăng sa lam ntŭr neh n'hanh tâm boh dâk hao tay lôch bah nuh srê. Tâm nchră nchrăp uănh an dŏng 2 si ƀŭt nchrăp lor dăn đă lah mbơh Tâm nchră ăp kruanh rđău kan wăng sa châu Á-Thái Bình Dương tâl 28 n'hanh Trong nchrăp an ƀư APEC tât năm 2040./.

Nuĭh rblang: Điểu Thân