VOV4.M’nông – Tâm rnôk khuh ngôr bah Nar rgum ƀon lan bri dak-lam ƀon lam ƀon lan hăn săch, ôi 23/5, Kruanh dak Nguyễn Xuân Phúc n’hanh I ur ndrel nuĭh ƀon lan nkual nklăch phiếu 041, ntŭk săch mrô 9 (nkuăl têh Củ Chi, nkuăl Củ Chi, nkual ƀon têh Hồ Chí Minh) lĕ nklăch ăp n’ha phiếu nuĭh ntoh măt Quốc họi khóa 15 n’hanh HĐND năm kan 2021-2026.

Kruanh dak Nguyễn Xuân Phúc săch ta nkual ƀon têh Hồ Chí Minh

Jêh rnôk nklăch phiếu, Kruanh dak Nguyễn Xuân Phúc lĕ ơh nău ôp bah báo chí. Kruanh dak lah rjăp, tâm rnglăp lĕ rnoi mpôl lah nău dŭt têh ma Đảng, Wa Hồ he uănh tât, ntĭm rđău, lơn lah ăp nar rgum têh kơt nar rgum bri dak ƀon lan, lam ƀon lan hăn nkăch phiếu n’hanh ăp nău kan khlay êng bah neh dak. Lơn lah, n’ăp tâm rnôk bri dak mâp âk jêr jŏt trôk nar, dak lip, nuih n’hâm tâm rnglăp lam ƀon lan rnoi mpôl mât uĕh. Aơ lah nău way ơm khlay bah rnoi mpôl Việt Nam. Nuih n’hâm nĕ mô rlu dơi ntop tay n’hanh mât têh dăng bah ăp rơh tâm lơh tâm su tât nău kan ndâk njêng n’hanh hun hao bri dak.

Nuĭh rblang: Y Sưng Phê Ja