VOV4.M’nông: Ôi aơ 26/7, ta rơh hop bôk năp Quốc hội khóa XV, đah nău dơi geh 100% nuĭh ntơh măt tât râng n'hơr ti ŭch an, wa Nguyễn Xuân Phúc, Ủy viên Bộ Chính trị khóa XIII, đại biểu Quốc hội khóa XV dơn ƀư ngăn Kruanh dak Cộng hòa xã hội chủ nghĩa Việt Nam năm kan 2021-2026. Lôch rnôk mbơh n'hơr ti ŭch, Kruanh dak Nguyễn Xuân Phúc ƀư nău way hao ton dơn nău kan.

Lah ta rnôk ton dơn nău kan, wa Nguyễn Xuân Phúc mpơl nău nkah gĭt Quốc hội hŏ nsing nơm sơch păng ƀư Kruanh dak; dŭt n'hâm lah uĕh Tổng Bí thư Nguyễn Phú Trọng n'hanh ăp kruanh rđău kan hăn bah năp mpeh ăp nău rgop têh kuâng an Đảng, ƀon lan n'hanh neh dak. Tâm moh rnôk nău tât tâm nău rêh bol ma dơh soih mô lah jêr jŏt, Kruanh dak mbra mât n'hanh mpư n'hao uĕh suan dăng bah tâm rnglăp lam rnoi nuĭh, ndrel đah ăp rnoh khlay lịch sử, săk tơm văn hóa n'hanh ăp nău way ơm huêng khlay bah rnoi nuĭh, yor ma nău hun hao têh dăng, lam lĕ rngôch n'hanh nâp dăng bah neh dak he./.

Nuĭh rblang: Điểu Thân