VOV4.M'nông: Kêng măng 29/11 (tĭng mông ta ntŭk), nkhêp geh hăn khâl Thuỵ Sỹ, Kruanh dak Nguyễn Xuân Phúc hŏ wơt Bộ trưởng Bộ Y tế Chile - wa Oscar Enrique Paris (dôl geh hăn khâl Thụy Sỹ).

Tâm rnôk nuh srê COVID-19 lam ntŭr neh aƀaơ, nău bar dak geh tâm boh uĕh lăng lah ntŭk nsing khlay gay ntrŭt ntrôl tâm boh tâm trong njrăng, n'gang nuh srê. Mbah rhơn Chi lê mât kân dơi uĕh nuh srê, rnoh âk geh chuh vaccine ta rnoh âk. Kruanh dak dăn đă Chile ntop kơl vaccine an Việt Nam. Mpơl nău ŭch đah kruanh dak Nguyễn Xuân Phúc mpeh nău ntrôl dăng tâm boh tâm pah kan njrăng, n'gang nuh srê, Bộ trưởng Y tế Chile an gĭt, Chile mbra tâm boh n'hanh tâm pă vaccine đah Việt Nam. Ndrel đah nê lah ntrŭt ntrôl tâm boh bar dak tâm trong kan dak si./.

Nuĭh rblang: Điểu Thân