VOV4.M’nông: Lơ 23/6, ta ntŭk kan Kruanh dak, Kruanh dak Nguyễn Xuân Phúc hŏ vơt Kruanh n’gâng kan nchră nau Hàn Quốc Chung Eui Yong tât mbah di rnôk khâl Việt Nam ntơm lơ 21-23/6/2021. Ta nar mâp, Kruanh dak Nguyễn Xuân Phúc lah rjăp nau kan hun hao nau tâm bọh 2 dak lah nau nsôih nsum, tă bah gưl prêh tât ăp n’gâng kan, nŭih ƀon lan Việt Nam. Kruanh dak Nguyễn Xuân Phúc đă N’gâng kan nchră nau ndrel ăp n’gâng kan 2 dak tâm grop ngăn.

Ntrŭt dăng tâm boh lơn tay nau mât tâm boh gưl prêh ndrel ăp gưl, ndrel ƀư ueh nau kan mhe gay ndrel rlau nau jêr bah srê, pơk hvi lơn tay nau tâm boh têh ndrel ăp ntil nau ntuh kơl bah Hàn Quốc ta Việt Nam. Mpeh nau kan tâm nkuăl, lam ntur neh, Kruanh n’gâng kan Chung Eui Yong lah rjăp, n’gâng kan nchră nau Hàn Quốc mra tâm boh rjăp đah Việt Nam tâm ăp rnôk tâm nchră âk ding mpeh nau tâm boh 2 ding uănh khlay, ŭch Việt Nam lŏ rgop ngăn tâm nau ntrŭt dăng tâm nchră, tâm boh tâm gôl dak Triều Tiên./.

Nŭih rblang: H’Thi