VOV4.M’nông: Kêng măng 29/6, ta Nhih pah kan kruanh dak, Kruanh dak Nguyễn Xuân Phúc wơt wa Victoria Kwakwa, Groi kruanh Ngân hàng lam ntŭr neh (WB) mât uănh nkual Đông Á n'hanh Thái Bình Dương dôl geh hăn khâl n'hanh pah kan ta Việt Nam. Rhơn mâp wa Victoria Kwakwa, nuĭh băl dêh bên bah ƀon lan Việt Nam, kruanh dak lah rjăp, wa Victoria Kwakwa lah nuĭh geh n'hâm suan dŭt têh tâm nău ntrŭt ntrôl ăp bôk nău kan tâm boh geh nău dơi đah WB n'hanh Việt Nam. Kruanh dak an gĭt, Việt Nam hŏ an ƀư geh nău tam ăp bôk nău kan, trong nchrăp tâm boh đah WB; Wa Victoria Kwakwa mbah rhơn Việt Nam mât kân uĕh nuh srê Covid-19 đŏng; lah rjăp mbra ntop kơl Việt Nam moh ntil dơi nău tâm nău rvăt vaccine rhŏ dŏng pah kan njrăng, n'gang COVID-19, mât chăm n'hâm suan nuĭh ƀon lan. Nkoch tât trong rƀŏng hun hao wăng sa rêh jêng kon nuĭh bah Việt Nam tâm let năp tay, wa Victoria Kwakwa mĭn lah, Việt Nam ân uănh khlay hŭch bah ƀư âk điện nchuăt su ma si ônh, n'hao dăng rgâl ƀư njêng ŭnh nar kloh rsang lơn./.   

Nuĭh rblang: Điểu Thân