VOV4.M’nông: Kruanh dak Nguyễn Xuân Phúc hŏ njoăl n’ha săm ƀŭt rhơn Thủ tướng Nhật Bản Suga Yoshihide gay ma rhơn mpeh nau kan Thế vận hội Olympic ndrel Paralympic Tokyo 2020 hŏ ntơm ƀư tâm măng 23/7. Tâm n’ha săm ƀŭt Kruanh dak ntoh nau rhơn njoăl tât Thủ tướng, nŭih băl tâm dăch dơn bah ƀon lan Việt Nam, ăp nau ŭch rŏng ueh lăng ndrel nau rhơn ueh ngăn đah nau ƀư Thế vận hội Olympic ndrel Paralimpic Tokyo 2020-nau kan thể thao têh ngăn dôl geh kâp rnơm ndrel geh uănh ta Việt Nam ndrel lam ntur neh. Kruanh dak Nguyễn Xuân Phúc rhơn ân Thế vận hội Olympic Paralimpic Tokyo 2020 geh nau dơi ueh ngăn. Chông ŭnh Olympic hit gring ta Tokyo lah nau bonh đă ngăn đah ăp nŭih ŭch ma thể thao mpeh nau dăng, nau jang bah kon nŭih bah năp nau tât bah srê lam nturr neh, nkre lah nau ntoh ân nau ueh ngăn ân nau mĭn ndrel nuih n’hâm nâp janh bah Nhật Bản- du rnoi mpôl dăng janh, du neh dak hun hao sâm geh tâm lam ntur neh ndrel lah dak kan nsum jru bah Việt Nam./.

Nŭih rblang: H’Thi